Asteazkenean IPUINAREN ORDUA

Ipuinaren Orduari jarraipena emanez, datorren asteazkenean, apirilak 6, Maite Franko ipuin kontalari hondarribiarra izango da Legorretan. 4-6 urte bitarteko haurrentzako saioa emango du: Isilka misilka, isiltasunaren zaindaria.
Aurrekoetan bezala, arratsaldeko seietan izango da, udal liburutegian.

ARANTXA Taberna berriro itxita

Beste behin ARANTXA taberna itxi egin dute. Azken urteetan Mari Jose Irastorzaren gidaritzapean egon ondoren, iritsi da, ateak ixteko garaia eta berriro ere, hemen gaude legorretarrok taberna bat gutxiagorekin.
Ea lehenbaitlehen beste norbaitek heltzen dion!

Mulanbo batukada Legoreggae festibalean

Herri antzokiaren inaugurazio bideoa

Gaur, Ostegun Morea

LEGOREGGAEko arduradunen elkarrizketa Goierri Telebista

Udalaren hizkuntz politika kritikatuz

Hona hemen pikondoa@gmail.com posta elektronikoa iritsitako eskutitza:

"Kaixo,

Azkenaldian udalak erabaki batzu hartzen ai da eta ez naiz bakarra hola ikusten dona.

Kritika hau idatziet eta argitaratu badaukezue eskertuko nun:

Euskara eta erdera zerbitzu hizkuntza dira herritarrekin harremanetako hizkuntza beste administrazio batzuekin eta lan hizkuntza Legorretan.Udalak Jendaurreko ekitaldietan euskaldunen eta erdaldunen  hizkuntza eskubideak errespeta daitezen jokatu behar du eta herritar askon iritziz azken ekitaldi batzuetan irizpide hau betetzen dela bermatzeko ez du jarraipenik egin. Adibidez udaleko ordezkarien herritarrenganako kontzentrazio eta komunikatuak euskera hutsen ein die, erderazko laburpenik gutxienez egin gabe eta jende askok ez du ulertzen . Udal webguneko gaztelaniazko informazio ataletan idatzik, komunikazioak etab..euskeraz azaltzen die asko. Zertako erderazko aukera gero ez badau?

Udalak antolaturiko ongizate edo segurtasun ekintzen oharran, bandoen paginan edo etxeako deialdietan euskara hutsen izan dira eta hauetan parte hartzeko aukera berdinak izateko herritar guztiak euskaldunak izan beharko giñen eta realitatea ez da horrela. Legorretan badakigu euskaldunak ez dien edo erdaldunak dien herritarrak bizi direla, beraz, beaien eta denon hizkuntza eskubideak ere errespeta daitezen oaindik ezinbestekoa da erderaz e deialdiak egitea. Laburbilduz eta euskerai lehentasuna ematen baino hoi bermatu behar du udalak bestela bazterketa egiten da. Udalak denontzako agindu behar du. Ekintza euskeraz bakarrik egiten bada edo erdaldunik badau kasu bakoitzean aztertu eta beharrezko neurrik hartu beharko zituen hizkuntza eskubideak errespetatuz.

Udalaren hizkuntza helburu nagusia euskera administrazioko eta gizarte harremanetako hizkuntza bihurtzea izanda erderaren presentzia gutxitzekin ez da lortuko, beste pedagogia bat egin beharko dela pentsatzet.

Eskerrikasko!  "

Kritikat 112

Herri Antzokiaren inaugurazioa asteburu honetan

Ostiralean inauguratuko da ofizialki Legorretako Herri Antzokia, martxoaren 11n. Ostiral iluntzean, 19:00etan zabalduko dira antzokiko ateak, eta aretoa bera ezagutzeko aukera izango dute herritarrek. Txoko asko ditu, eta gora eta behera ibili ahal izango da, instalazioak ikusteko. Hori dena, luntx batez lagundurik.
Larunbatean, berriz, martxoaren 12an, umeentzako ikuskizun bat izango da: Kiliklon taldearen Kortxea doktorearen abenturak. 17:30etan hasiko da.
Eta igandean, martxoaren 13an, gazte eta helduentzako kontzertu akustiko bat izango da: Hesian taldeko Zuriñe eta Fran. 19:00etan hasiko da. 14 urtetik gorakoentzat izango da hori.
Ostiralerako ez da sarrerarik beharko, baina larunbaterako eta iganderako bai. Doakoa izango da, baina gonbidapenak eskuratu beharko dira udaletxean, goizez, edo kultur etxean, arratsaldez.

Bihar, Emakume eguna ospatuko da Legorretan

BILKOIN taldeen asteko Kronika

Egunon Bilkoinzaleok!!!
Hemen gara berriz zuekin. Nahiz eta aurreko asteburua ez oso ona izan, Otsailak 27, hona hemen emaitzak:
Senior neskak:
Atsedenaldia
Gipuzkoako 3. mailan dauden mutilen taldea:
Plaza Berri Sport 5 – Legorreta Gazte Piku 2
Nazional mailako 3. mailan dauden mutil seniorrak:
Legorreta Bilkoin Eredu 1 – Elorrioko Buskantza 3

Hona gure taldeen sailkapenak:
Senior neskak:
http://www.kirolak.net/eu/competiciones.asp?deporte=fsala&deportetmp=fsala&qref=122&qcat=12
Gipuzkoako 3. mailan dauden mutilen taldea:
http://www.kirolak.net/eu/competiciones.asp?deporte=fsala&deportetmp=fsala&qref=122&qcat=118
Nazional mailako 3. mailan dauden mutil seniorrak:
http://www.kirolak.net/eu/competiciones.asp?deporte=fsala&deportetmp=fsala&qref=124&qcat=22

Bestalde goazen asteburu honetako ihardunaldiaren berri ematen hastera:
Senior neskak:
Martxoak 4, Ostirala. Arratsaldeko 18:15tan.
Resti frontoia
Zaldibia- Legorreta AFT

Gipuzkoako 3. mailan dauden mutilen taldea:
Martxoak 5, Larunbata. Arratsaldeko 16:00tan.
Abraham Olano kiroldegia
Anoeta F.T. - Legorreta Gazte Piku

Nazional mailako 3. mailan dauden mutil seniorrak:
Martxoak 6, Igandea. Arratsaldeko 18:00tan.
Urreta kiroldegia
Lagun onak F.S.GDKO. – Legorreta Bilkoin Eredu

Honela asteburu honetan ez dugu partidurik izango Legorretan, baina segi dezagun gure taldeak babestu eta animatzen!!!
AUPA LEGORRETA!!!!!

LEGORRETA 2416, aurtengo mozorro lehiaketako gaia

Hainbat buruhauste ondoren, atzokoan Jai batzordeak erabaki zuen aurtengo Jaietako mozorro lehiaketarako gai amankomuna eta 400 urteurrena ospatu berri dugunean, irudimen ahalegin berezia eskatzen zaigu, 2416 urteko Legorreta irudikatzeko.

Hasi burua nekatzen.

Bihar TALO FESTA

 Bihar, larunbata, martxoak 5, arratsaldeko 6,30tatik aurrera azken urteetako ohiturari eutsiz Elkartasunezko Talo Festa ospatuko da gure herrian, Udala eta Guraso elkartearen elkarlanari esker.

Iñigo Iparragirreren zubia, izozki makilaz egina

BILKOINeko egitaraua asteburu honetarako

BILKOIN taldeak dio: Hemen gara berriz zuekin, Hemendik aurrera partiduen: ordutegiak, emaitzak, taldeen berriak eta nondik norako guztiak hemen azaleratuko dizkizuegu!!!

Goazen asteburu honetako ihardunaldiaren berri ematen hastera.
Aurten, dakizuen moduan, 3 talde ditu Legorretako taldeak:
1- Senior neskak
2- Gipuzkoako 3. mailan dauden mutilen taldea.
3- Nazional mailako 3. mailan dauden mutil seniorrak.

Asteburu honetan NESKEN TALDEAK ATSEDENALDIA izango du.

Mutilen 2. go taldeak, Azkoitiara joan beharko du.
PLAZA BERRI SPORT vs LEGORRETA GAZTE-PIKU  Larunbatean arratsaldeko 16:00etan Azkoitiko Zubiaurre Kiroldegian.
Joaneko partiduan gure mutilek 4-3 gailendu zitzaien Azkoitiko taldeari.

Seniorren lehenengo mutilen taldeak etxean jokatuko du Elorrioko mutilen aurka.

LEGORRETA BILKOIN EREDU vs ELORRIOKO BUSKANTZA Partidua, LARUNBATEAN arratsaldeko 17:00etan jokatuko da!

Neurketa zaila izango dute jokoan gure mutilek, non 3 puntuak nahitaezkoak dituzten sailkapenean estutasunik ez pasatzeko.

Joaneko partiduan 10 eta 3 galdu zuten Legorretarrek. Ea oraingoan buelta ematea lortzen duten!!!

Horretarako, zalegoaren bultzada beharrezkoa dugu!!! Animatu eta azaldu larunbat arratsaldean gure taldea ANIMATZERA!!!

Martxoaren 2an amaitzen da ERRIGORA egitasmoaren barruan olioa eskatzeko epea. Jakingainean izan, olioa eskatzean, ordaintzen den diruaren parte bat, Nafarroako euskalgintzarako doala.

Legorretan oilioa jasotzeko puntua OLASO taberna da.

Iturria: HITZA

UGAROko haurrak Errealarekin

UGARO herri ikastetxeko haurrak, beste ikastetxe batzuekin batera, Errealak Zubietan dituen azpiegiturak ezagutu eta joklariekin egoteko. Atzoko egunean Imanol Agirretxeren urteak zirenez, Legorretako haurrek egindako tarta oparitu zien eta haur guztiekin batera, Zorionak abestia kantatu.

Gaurko prentsak ere bisitaren berri jasotzen du: DV, NdG, 

94 herritarrek hartu zuten parte azken odol ematean

Otsailaren 16an izaniko odol ematean 94 herritar izan ziren, eta 80k eman zuten. Lau emaile berri joan ziren, eta horietatik bik eman ahal izan zuten.
Gogoan izan aurten ekainean izango dela bigarren odol ematea, eta urrian hirugarrena.

Bihar arratsaldean Legorretako GURE ESKU DAGOren aurkezpena

Legorretako Gure Esku Dagok denbora bat darama lanean baina oraingo honetan herri eragile guztiei zein herritar orori prozesuaren nondik norakoak aurkeztu nahi dizkie. Horretarako, datorren otsailaren 23an, asteartea, aurkezpen bat burutuko du udaletxeko areto nagusian arratsaldeko 18:30tatik aurrera. Hemendik, herritar guztiei gonbita luzatu nahi diegu aurkezpenera azaldu eta prozesu honetan parte hartzea izateko, ekainaren 19an #elkarrekin erabakitzera baikoaz gure etorkizuna.

Aurtengo Azintziotarako kartel lehiaketa abian dugu

2016ko Legorretako Herri Jai Egitaraurako Portada Lehiaketa

1. Lehiaketa honetan edozein legorretarrek har dezake parte.
2. Kartelak karratuak eta tamaina librekoak izango dira. Informatika euskarrian (Pendrive edo Cdan) aurkeztu ahal izango da kartela edo paperean inprimatua.
3. Formatuak, nahitaez karratua izan behar du.
4. Teknika librea izango da.
5. Kartelek derrigorrez testu hau izan beharko dute:  LEGORRETAKO AZINTZIO JAIAK 2016.
6. Jai horren ezaugarriren bat, irudiren bat edo lemaren bat jaso eta adierazi beharko da.
7. Irabazleak Legorretako Aulia Sagardotegian bi lagunentzako afaria jasoko du.
8. Aurkeztutako kartel guztiekin erakusketa bat egin ahal izango da.
9. Egilearen nortasuna azaldu gabe eta atzealdean lema bat duela aurkeztu behar dira kartelak. Hau euskara hutsezkoa izango da.
Horrekin batera, gutun-azal itxi batean lema bera eta egilearen datuak adieraziko dira.
10. Kartelak 2016ko martxoaren 4ko 14:00ak baino lehen, legorretako Udalera edo Kultur Etxera eraman behar dira.
11. Herritarren bozketaren bidez aukeratuko da kartelik onena.
12. Saritzen den lana Udalaren esku geldituko da eta jaietako egitarauaren azalean agertuko da.
13. Saritu gabe geratu diren lanak erakusketaren azkeneko egunetik hasi eta 15 eguneko epean jaso ahal izango dira Legorretako Kultur Etxean.
14. Lehiaketa honetan parte hartzeak oinarri hauek onartzea suposatzen du.

Ipuin kontaketa asteazken arratsaldean

IPUINAREN ORDUA

4 – 8 urte bitarteko haurrentzat

Kontalaria: Amaia ELIZAGOIEN

Eguna: otsailak 24, asteazkena

Ordua: Arratsaldeko 6:00ak

Lekua: Udal Liburutegia

LEGORRETAKO UDALA - KULTURA